Urruñako Gazte Asanblada

agorrilaren 29an kontzertua

2009-08-08T04:38:00.000-07:00

Agorrilaren 29an arratsaldeko 9tatik antzina Urruñako pilota plazan talde batzuek joko dute ala nola M.A.K, Ekintza taldea, eta Paristik datozen rapero politiko batzuk. Denak gonbidatzen zaituztegu Urruñako gazte asanbladaren lehen kontzertura etortzea, gau polit bat izango delako. HERRI BAT GAZTETXE BAT!!!!

2009-07-15T10:49:00.000-07:00

Uda berri bat hasi da eta gure barealdiaren berpizteko berttolin antolatu dugu hitzaldi pare bat eta bertso poteo bat Sustrai Colinaren eskutik. Espero dugu hitzaldi hauen bitartez gure herriko elkarteak hobeki ezagutzea eta elkar ezagutuz, elkarlana bultzatzea. Urruñar denei eta inguruko pertsona orori hurbiltzea gomendatzen dizuegu elkartasuna ezinbestekoa baita. Mugi zaitez!!

Telebistaren bidez kontrolaturiko gizartea; Telebistaren bidezko manipulazioa

2009-05-02T15:38:00.000-07:00

piedrasrojasgaur.blogspot.com : ``Telebista euren interesen arabera antolatzen dute´´esaten entzun nion behin trenean gizon batekin zihoan andra bati. Guztiz harrituta, pentsakor geratu nintzen: euren interesen arabera? Noren interesak? Nork antolatzen du?...
Andra horrek esandakoari buruz apur bat pentsatzen (azkenaldian azterketetan, bideojokoetan eta futbolean bakarrik pentsatzen nuen, eta beste gauza baten pentsatzea zaila egin zitzaidan, denok dakigunez, gauzak egiteari uzten diogunean erreztasuna galtzen baita) egon eta gero, ezer ulertu gabe jarraitzen nuen. Baina, zergatik ez nuen ezer ulertzen? Nik telebista egunero ikusten nuen, nik ordu asko ematen nituen gehien maite nuen lagunaren aurrean, hala ere, ez nuen andra horrek aipatzen zuen interes hori inondik ikusten. Bai gauza arraroa!
Esaten zutenari arreta apur bat jarri nion berriz ere, elkarrizketa baten murgilduta zeuden:

``-Egia da bai, telebistak mezu ezkutuak bidaltzen dizkigu etengabe, mezu politak izango dira bai, baina, berdin berdin arriskutsuak, eta konturatzen ez bagara ere, mezu horien bidez, haiek nahi dutena sinistera bideratzen gaituzte, pentsatzeari uzten diogu eta haiek nahi duten moduan jokatzen hasten gara.´´

-Baina ez da telebista gu manipulatzeko erabiltzen duten tresna bakarra! Irratiak, egunkariak, ordenagailuak, publizitatearen bonbardaketa.. den-denak euren tresneriaren parte dira.

-Kalean, polikiroldegian, klasean.. lagunekin elkartzen garenean telebistako programa ezberdinetan gertatu dena komentatzen ibiltzen gara etengabe: Fama-ko neska horrek oso ondo dantzatu duela, Gran Hermanoko Victor ez kaleratzeko SMS bat bidaliko dudala, Salsa Rosan La Duquesa de Alba egon zela, Risto oso gaiztoa dela, etab. Telebistako pantailan ikusten duguna gure elkarrizketa gai nagusi bihurtu da!

-Bai bai gure benetako izaera ezabatu dute, eta orain, telebistan agertzen denak eragin zuzena du gugan: Los Serrano telesailean agertzen diren aktoreen jantzi berdinak erosi eta haiek erabiltzen dituzten hitzak eta espresioak erabiltzen ditugu, Euskadi Gaztean edo Los 40 principalesen jartzen duten musikaren jarraitzaile gara, telebistan hainbeste iragarkitan agertzen diren Mc Donals-etara joaten gara bazkaltzera, ``modeloen´´ pasareletan agertzen diren emakume eta gizonen gorputzak izatea da gure ametsa...eta beste ehundaka adibide jarri ahalko nizkizuke: nor maitatu, nor gorrotatu, nori sinistu... jada, ez dago gure erabakien baitan.
Horrela, apurka apurka, hainbat trikimailu erabiliz, euren ongizaterako diseinatu duten errealitatea eraikitzea lortu dute, gutxi batzuen esklabu bilakatu gara.

-Gu haien menpe jartzeaz gain, egoera honi buelta ematea ezinezkoa dela sinestarazi nahi digute, baina, ez dut uste hori horrela denik, ez ez, hori ez da horrela, aldatu daiteke bai: aspaldi galdu genuen kritikotasuna berreskuratzea eta gu geu izatea funtsezkoa da eta nola ez, etsaiari hagin zorrotzak erakustea!´´

Elkarrizketa hori entzun eta gero, informazio gehiago biltzen hasi nintzen, eta horrela apurka-apurka nire inguruan gertatzen ari ziren gauza asko ulertzea lortu nuen.
Gauza guzti horiek kate erraldoi baten kokatzen direla ikusten dut orain, dena harremanduta dagoela eta gu, makina handi baten pieza txiki bat baino ez garela, zenbaki huts bat euren kalkuluetan.

filma bat: the meatrix

2009-05-02T15:14:00.000-07:00

Aste honetan proposatzen dizuet filma oso motz bat. The meatrix. batzuk pentxatuko duzue gaizki idatzi dudala baina usteak erdi ustel. Filma honek erakusten du animalien hazkuntza industriala. Hasiera batean animaliak hazten ziren etxalde lasaietan baina badirudienez batzu diruan pentsatzen hasi ziren eta dena industrializatzen. Industrializatze horrek zer dakarren? gaur egun arte izan diren gaisotasun guzi horiek, hala nola: azken garai honetako txerri gripea,...
Hemendik antzina motibatu filma motz hauen begiratzera eta zuen iritzi eta ondorioak atera.http://www.themeatrix.com/

Maiatzaren 9an pala txapelketa

2009-05-02T14:55:00.000-07:00

Alkateak jo, asanbladak eraman!! Urruñako gazte asanbladak pala txapelketa bat antolatu du maiatzaren 9an goizeko 11tan hasita. Urruñako frontoian binakako txapelketa. Izenak emateko bertan eta 2euro pareka ordaindu beharko da. Animatu zaitezte momentu on baten pasatzera.
Lotu asanbladari!!!

dispertsioa 20 urte

2009-04-17T13:34:00.000-07:00

Sakabanaketaren aurkako bira bukatu da Durangon eginiko ekitaldiarekin

Dena, denon esku, edonon,... eta gainera euskaraz!

2009-04-17T13:14:00.000-07:00

berria.info-tik: Badira Interneten telesailak, filmak, dokumentalak eta ikus-entzunezko bestelako hainbat produkzio ikusi ahal izateko webguneak. Orain arte, ordea, ingelesez, gaztelaniaz, frantsesez-eta abar ikusi behar izaten ziren. Aurrerantzean, euskaraz ere izango da zer ikusi. Hain zuzen ere, euskara hutsean film, telesail eta dokumentalak ikusteko aukera ematen duen webgune bat sortu dute. http://www.ikusezazu.com/

Elgarretaratzea herriko etxe antzinean

2009-04-15T03:29:00.000-07:00

Berriz ere asanbladako partaideak agertu ziren beraien nahiak erakusteko. Astelehen batez bildu ziren gazteak udaletxe antzinenan. Egun horretan gainera kontseilu munizipala ukan zuten herriko ordezkariek. Elgarretaratzearen ondoren gazteak herriko etxean sartu ziren eta bilkuran egoteko aukera ukan zuten. Aukera berri bat izan zen erakusteko gazteek beraien herrian bizi nahi dutela eta herriko aktibitate edo erabakietan parte hartu nai dutela. Alkateak nai dituen gazteak ez direla izanen erakutsi zuten ala nola Urruñarren ondorengoak ez direla atzerrira joanen ikasketak egitera eta gure herri ttiki, lasai honetan bizi nai dugula. Bere nahiak segitzen badituzte aldiz betidaniko herritarrak desagertaraziko dira eta gure herri ttiki hau turismo herri eta atzerritarren herri bilakatuko da.
HERRIKO GAZTERIAK BIZI BEHAR DU!!!

korrika

2009-04-15T03:12:00.000-07:00

Korrika zela eta Urruñako gazte asanbladako kideak atera ziren korrikara "Urruñan ere gaztetxe bat" lelopean. Piarres larzabal kolegioarekin batera bildu ziren Kixueniako rotondan. Beraien imaginazioaekin sortu zuten aurreko batean bezala kartoizko gaztetxe moduko bat beraien ikur gixa. Mugimendu horretan parte hartuz erakutsi dute gaztetxe euskaldun bat behar dutela inor baztertzeko prest izango dena.
HERRI BAT GAZTETXE BAT, URRUÑAN ERE GAZTETXE BAT

Ama alabak eta itsasoa

2009-03-03T00:32:00.000-08:00

1983an GALek hil zuen Mikel Goikoetxea 'Txapela'. Hil zutenean Haize alabak bi urte zituen. Orain berriz 25 urte beranduago aitari buruzko dokumentala ekoiztu du bere bizia eta nor zen ezagutzeko.

koka kolari ez!

2009-02-22T16:25:00.000-08:00

koka kola eta horrelako empresa zapailtzaileei boikota!

hatortxurock 10

2009-02-22T15:46:00.000-08:00

Hatortxurock-ek 10 urte betetzen ditu aurten eta horren ospatzeko ekainaren 19, 20 eta 21ean izango da Sakanako eskualdean hiru eguneko jaialdia. 25 talde baino gehiago eta horietarikoak izango dira: habeas corpus, Berri txarrak, Des-kontrol, Etsaiak, Hesian, Koma, Kop, Betagarri, Zea Mays, RIP, Banda Bassotti, Ekon, Gatibu, Obrint pas, Piperrak, ... eta gainera itzaldiak, erakusketak, jolasak, bideo emanaldiak, azoka... Hurbil gaiezen denak!

Diru laguntzak

2009-02-22T15:27:00.000-08:00

Gaur egun talde txiki askok beren obrak ateratzeko beraien poltsikoetatik ordaindu egiten dute. Gainera horietariko batzuk beraien sorkuntzak sortu eta gero emanaldiak musutruk ematen dituzte. Beste batzuk aldiz ez dira kezkatzen dirua nondik atera eee?

AHT-aren errealitatea

2009-02-22T14:52:00.000-08:00

Alliot Marie, tu n'as rien compris, tu n'a rien compris! Aste batez, AHTa Ipar Euskal Herritik ibilbide berri batetik pasatzeko inungo interesik ez zela lau haizetara zabaltzen ibili eta gero, horra nun, haren meneko Baionako prefetak jakinarazi dien kostaldeko auzapezei tren famatua (ez baitezpada fama onekoa) kostalde hontarik gure ama lurra basaki xehatuz eta indarrez, hau da, herri honen seme-alaben iritzia kontutan hartu gabe pasaraziko dela. Horra zapaltzaileen demokrazia!! Urruñan, Herriko Etxeak mozio bat izenpetu zuen AHTren kontra baina horrek ere ez du baliorik.
Nik uste nuen demokrazia herriaren hitzan oinarritzen zela eta diktadura pertsona batek bere nahiak inposatzean zatzala, dirudienez, kontzeptuek beren erran nahi trukatu dute eta demokrazia mozorrotzeko 5 urtean behin hauteskunde batzuk burutu eta kitto.
Protestatzen duenari berriz, kasu! Matrakak bero!
Bestalde, hona hemen, Hego Euskal Herrian, AHT Gelditu elkar-lanak egin bideo bat, AHTren inguruan.

Amalurraren txikizioa

2009-02-18T13:06:00.000-08:00

Euskal Herri zahar, eder hau itxura galtzen hari da. Naturaz aurkako suntsiketa eta eraldaketa hauengatik duela urte batzuk zena emendik gutxira ez da ezagutuko. Izan dadin pasaiako super portua, abiadura handiko trena, autopisten zabalketak, supersura, urtegiak, erraustegiak,... denek dute helburu bakar bat: aberastea. Bitartean beste batzuk horrelako eraikuntzengatik beraien bizilekuak galtzen dute. Gizakiak geroz eta gehiago zulaten du lurra baina azkenan tope bat aukituko dugu eta hori gertatu baino lehen martxan dauden obra diruzale horiek gelditu behar dira.

ihauteritan lortu zen zanpantzar erretzea.

2009-02-17T00:42:00.000-08:00

Udaletxean arazoak izan ziren zanpantzarren erretzea zela eta. Herriko etxeak ez zuen nahi zanpantzar erre beraien lurra (zorua) urtutzen zelako. Haiek ori zioten ze ondoko herrietan ez da arazorik izan sua ematerakoan. Agian beraien arazoa ez zen sua baizik eta gure kulturaren zapaltzea. Azkenean lortu da zanpantzar erretzea eta bere gaiztakeria guztiak kondenatzea.

korrika 16: Ongi etorri

2009-02-05T12:56:00.000-08:00

Korrika 16 Urruñatik martxoaren 29an igande goizez pasako da.

Iritzi taldearen sorrera

2009-02-05T11:33:00.003-08:00

Urruñan iritzi talde bat sortu da 2009ko otsailean. Iritzi talde honen helburua informazio berri, aukerakoa eta konpleto bat ematea da. Talde honetan ez da informazio iturri gehienetan erraten dena onartzeko edo sinisteko egina baizik eta norberak bere iritzi askea sortzeko. Talde honen helburuetan sartuko dira hitzaldiak, bideo emanaldiak,... antolatzea gero gai horien inguruan eztabaidatzeko. Ez da izanen dirua irabazteko edo festak antolatzeko egina izanen, gure irabaziak jendeak ikasitakoa izanen da eta irabazi horiei esker manipulazioa ekiditen saiatuko gira. Gainera webgune honetan iritzi guztiak onartuak izanen dira eta eztabaidaktzen ahalko da gaiari erantzunez.